Bakının Yasamal rayonunda yol-nəqliyyat hadisəsi olub.
Metbuat.az xəbər verir ki, qəza Bakıxanov küçəsi ilə Tbilisi prospektinin kəsişməsində qeydə alınıb.
Belə ki, yol kəsişməsində “Mercedes” və “Toyota Camry” markalı minik avtomobilləri toqquşub. Avtomobillərə ciddi ziyan dəyib.
Əraziyə polis əməkdaşları cəlb edilib.
Hadisədə bir nəfər xəsarət alıb. Avtomobillər cərimə meydançasına yerləşdirilib.
Faktla bağlı araşdırma aparılır.
