Venesuela Prezidenti Nikolas Maduro Prezidenti Donald Trampı ittiham edib.
Metbuat.az xarici mediaya istinadən xəbər verir ki, Maduro deyib ki, 2018-ci ildə ona qarşı sui-qəsdin təşkilində Tramp birbaşa olaraq təşkilatçı olub. O bu fikirləri ölkənin Milli qvardiyasının 86-cı ildönümü ilə bağlı keçirilən tədbirdə səsləndirib. Maduro əminliklə qeyd edib ki, ABŞ administrasiyası sui-qəsdin törədilməsini Kolumbiya rəhbərliyinə tapşırıb.
Məlumat üçün bildirək ki, N.Maduroya qarşı sui-qəsd cəhdi 2018-ci il avqustun 4-ü baş verib. Bu zaman partlayıcı qurğu ilə təchiz edilən 2 pilotsuz uçuş aparatı Maduroya tərəf uçan zaman Prezident mühafizəsinə daxil olan snayperlər dronları zərərsizləşdirə bilib. Baş verənlərlə bağlı günahkar qismində 17 nəfər mühakimə edilib.
