Əfqanıstanın Herat əyalətində baş verən 6,3 bal gücündə zəlzələ nəticəsində ölənlərin sayı 2 mini ötüb.
Metbuat.az xəbər verir ki, bu barədə “Röyters” Taliban hökumətinə istinadən məlumat yayıb.
“Zəlzələ nəticəsində 2053 nəfər ölüb, 9240 nəfər isə yaralanıb. 1329 ev isə tamamilə dağılıb”, - məlumatda qeyd olunub.
Taliban hökumətindən bildirilib ki, zəlzələ əyalətdəki 6 kəndi tamamilə darmadağın edib.
