ABŞ Rusiya, Çin, İran və Şimali Koreya arasında münasibətlərin yaxınlaşmasından narahatdır.
Metbuat.az xəbər verir ki, bu barədə “Bloomberg” nəşri məlumat yayıb.
Nəşrin yazdığına görə, Vaşinqton və onun müttəfiqləri Qərbin tətbiq etdiyi sərt sanksiyalara baxmayaraq, bu ölkələrin dünya miqyasında Amerika hegemonluğuna meydan oxumaq üçün əməkdaşlığı dərinləşdirmək və genişləndirmək sürətindən və intensivliyindən təşvişə düşüb.
Məqalədə ABŞ-nin təsirinin kifayət qədər sürətlə zəiflədiyi də qeyd olunur. Eyni zamanda, güclənən ölkələr çoxtərəfli arenada özlərini elan etmək istəyirlər.
Qəzet buna misal olaraq, ABŞ-nin İsraili HƏMAS qrupu ilə atəşkəs sazişi imzalamağa razı sala bilməməsini və üstəlik, Amerikanın rəhbərlik etdiyi koalisiyanın Yəmən Husilər hərəkatını kommersiya gəmilərinə hücumları dayandırmağa məcbur edə bilmədiyini göstərir.
Bloomberg-in məlumatına görə, amerikalılar bazalarını tərk etmək məcburiyyətindədirlər. Çünki Çin və Rusiya Afrika qitəsinə təsirlərini artırır.
