Azərbaycan, Bakı, 8 iyun /Trend, müxbir Rufiz Hafizoğlu/
Türkiyənin hakim Ədalət və İnkişaf Partiyası (AKP) koalisiya hökumətinin yaradılmasına hazırdır və hazırda təkrar parlament seçkilərinin keçirilməsi barədə danışmaq hələ çox tezdir. Trend-in “TRT Haber” telekanalına istinadən verdiyi məlumata əsasən, bunu Türkiyənin Baş nazirinin müavini Numan Kurtulmuş deyib.
Bununla yanaşı, N.Kurtulmuş koalisiya hökumətinin yaradılmasında AKP ilə yanaşı hansı partiyanın olacağını qeyd etməyib.
O bildirib ki, AKP demokratiya prinsiplərinə sadiqdir və Türkiyənin müxalifət partiyalarının ölkənin hakim partiyası ilə koalisiya hökuməti yaratmaq istəməmələrini dilə gətirmələri ani verilmiş qərardır.
İyunun 8-i Türkiyənin baş naziri Əhməd Davudoğlunun Nazirlər Kabinetinin iclasını topladığı məlumat verilib. İclasda Türkiyədə keçirilən parlament seçkilərinin nəticələrinin müzakirə olunacağı gözlənilir.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
