Türkiyənin Bolu bölgəsinin Kartalkaya Xizək Mərkəzindəki hoteldə baş verən yanğınla bağlı ölkədə 1 günlük matəm elan edilib.
Metbuat.az xəbər verir ki, bu barədə Türkiyə Prezidenti Rəcəb Tayyib Ərdoğan açıqlama verib. Ərdoğan Boluda oteldə baş verən yanğınla bağlı araşdırmalara başlandığını ifadə edib. O bildirib ki, hadisənin bütün aspektlərini üzə çıxarmaq və məsul şəxslərin məsuliyyətə cəlb edilməsi üçün bütün lazımi addımlar atılacaq və atılmaqdadır. Ərdoğan hadisənin detallarını araşdırmaq üçün 6 prokuror və ekspert heyəti təyin edildiyini ifadə edib.
Qeyd edək ki, "Kartalkaya" Xizək Mərkəzinin hotelində baş verən yanğın nəticəsində ölənlərin sayı 66 nəfərə çatıb, 51 nəfər yaralanıb.
