Almaniya sakinlərinin əksəriyyəti mobil ödənişlərin mühafizəsinin lazımi səviyyədə təmin olunmaması fikrindədir.
Bitkom şirkətinin məlumatına görə, Almaniya istifadəçilərinin yalnız 29 faizi alış-veriş zamanı smartfonlardan istifadə etməyə hazırdır. Həmçinin almanların 88 faizi mobil ödənişlərin təhlükəsizliyindən narahatdır.
Milli.Az ICTnews-a istinadən bildirir ki, istifadəçilərin 85 faizi hesab edir ki, mobil ödənişlər xidməti ödəniş məlumatlarının olduğu telefonun oğurlanması ehtimalını artırır. Bundan başqa, onların 72 faizi mobil ödənişlər sisteminin insanları sürətli alış-verişə sövq etməsini düşünür.
Tədqiqatdan həmçinin məlum olub ki, respondentlərin 72 faizi mobil ödənişlərdən heç vaxt istifadə etməyib və almanların 40 faizi yaxın gələcəkdə bu xidmətdən istifadə etməyi planlaşdırmır.
Milli.Az
