Bakı, 18 iyun, Rafael Həsənov, Flora Şükürova, AZƏRTAC
Birinci Avropa Oyunlarında stolüstü tennis üzrə iyunun 18-də kişilər və qadınlar arasında fərdi yarışların yarımfinalçıları müəyyənləşib.
AZƏRTAC xəbər verir ki, qadınların yarışında yarımfinal mərhələsində Li Çji (Niderland) Yeva Odorova (Slovakiya), Mələk Hu (Türkiyə) isə Çjao Li (Niderland) ilə yarışacaq. Kişilərin mübarizəsində isə “Bakı-2015”-in beynəlxalq idman elçisi, almaniyalı stolüstü tennisçi Dmitri Ovçarov Böyük Britaniya təmsilçisi Pol Drinkhol, Ukrayna idmançısı Ley Kou isə belaruslu Vladimir Samsonov ilə qarşılaşacaq.
Qadınlar və kişilər arasında fərdi yarışların finalı iyunun 19-da keçiriləcək.
