Bakı, 20 iyun, AZƏRTAC
Abdulla Şaiq adına Azərbaycan Dövlət Kukla Teatrı avqustun 9-dan 13-dək İsraildə keçiriləcək beynəlxalq kukla teatrı festivalında ölkəmizi təmsil edəcək.
Teatrın mətbuat xidmətindən AZƏRTAC-a bildirilib ki, dünyanın bir sıra ölkələrindən onlarla kukla teatrı və aktyorunun qatılacağı bu nüfuzlu beynəlxalq teatr festivalında müasir və ənənəvi kukla sənətinin incəlikləri barədə seminar və ustad dərsləri də təşkil olunacaq.
