Nazirliyin Dərmanların Keyfiyyətinə Nəzarət şöbəsindən APA-nın sorğusuna cavab olaraq bildirilib ki, 2014-cü ildə ölkədə keçirilən yoxlamalar nəticəsində yararlılıq haqqında analiz protokolu olmayan 1490 qutu, istifadə müddəti bitmiş 4 qutu dərman preparatları aşkar olunaraq müsadirə edilib.
Həmçinin şöbə tərəfindən keçirilən yoxlamalar zamanı 3 aptek təşkilatında apteklərdə resept təqdim edilməklə buraxılmalı olan dərman vasitələrinin reseptsiz buraxılması və ya yetkinlik yaşına çatmayanlara dərman vasitələrinin buraxılması qaydalarının pozulması faktı aşkarlanaraq aptek rəhbərlərinə İnzibati Xətalar Məcəlləsinin 230.1-ci
maddəsi ilə protokollar tərtib edilib. Bundan başqa, Səhiyyə Nazirliyinin qərarı
ilə açıq satışı qadağan edilmiş vərəm əleyhinə 1-ci qrup dərman preparatı olan “Streptomisin” dərman vasitəsinin və ölkədə dövlət qeydiyyatı olmayan bir sıra dərman
vasitələrinin satışını apardığına görə 1 aptek təşkilatının lisenziyasının fəaliyyəti
dayandırılıb.