x
Loading...

Bakıda piyada keçidi yandı - FOTO

Bakıda piyada keçidi yandı - FOTO
13:37 7 Avqust 2015
97 Ölkə
Ölkə mətbuatı
A- A+

Ötən gecə Nərimanov rayonu, Ziya Bünyadov prospektinin Azadlıq prospekti ilə Atatürk prospekti arasında olan hissəsində yerləşən yerüstü piyada keçidində yanğın baş verib. Piyada keçidində yanğın baş vermiş avtomobil qəzası zamanı yaranıb.

Nəqliyyat Nazirliyi "Azəryolservis" ASC-nin mətbuat xidmətindən Trend-ə verilən məlumata görə, sözügedən prospektin əsas yolundan yan yoluna, Atatürk prospektinə doğru keçmək istəyərkən sürücü idarəetməni itirərək avtomobilini əvvəlcə yolayrıcında olan səki daşlarına, daha sonra isə yerüstü piyada keçidinin qarşısında yerləşən avtobus dayanacağına və işıq dirəyinə çırpıb. Zərbə nəticəsində avtomobil yanmağa başlayıb. Yanğın qısa müddət ərzində piyada keçidinə də keçib. Əraziyə çağırılan Fövqaladə Hallar Nazirliyinin Yanğından Mühafizə İdarəsinin əməkdaşları hadisəyə tez bir zamanda müdaxilə edərək alovun qarşısını alıblar.

Bədbəxt hadisə zamanı yerüstü piyada keçidinin bir hissəsinin üzlüyü, dam örtüyü və metal konstruksiyaları, həmçinin girişdə olan eskalatorların bir hissəsi yanaraq sıradan çıxıb. Bundan başqa, qəza zamanı piyada keçidinin pilləkənlərinin mərmər üzlükləri və səki daşları qırılaraq yararsız hala düşüb.

Milli.Az





Xəbərin orijinal ünvanı: http://news.milli.az/incedent/361429.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR