Ailədə övlad izdivacda olanların ruhu, çox hallarda isə yaşam stimuludur. Övladın olmaması isə qəm və kədərlə bahəm, həyatdan küskünlük də yarada bilər. Milli.Az xəbər verir ki, Bakıda ötən gün ata olmaq arzusu cavan bir kişini yandırıb.

Nizami rayonu, Keşlə qəsəbəsində yaşayan 36 yaşlı İlham Məmmədov uzun müddət övladının olmamasına görə özünə qəsd edib. O, yaşadığı evin həyətində üzərinə ağ neft tökərək yandırıb. Çətinliklə söndürülən İ.Məmmədov xəstəxanaya çatdırılıb.

Nizami Rayon Prokurorluğundan Milli.Az-a bildirildi ki, İ.Məmmədovun bədəninin 65 faizi yanıb. Vəziyyəti ağır olduğundan dindirmək olmayıb.

Anar Məmmədov
Milli.Az