Azərbaycan, Bakı, 5 sentyabr /Trend/
Çinin “MAD” memarlıq bürosu tərəfindən şaquli bağları olan orijinal göydələnlər konsepti işlənib hazırlanıb. Trend bu barədə büronun saytına istinadən məlumat verir.
Qeyri-adi “Bulud dəhlizi” (Cloud Corridor) konsepti futurist üslubda həyata keçirilib.
Doqquz göydələnin hamısı öz aralarında xüsusi körpülərlə birləşib. Hündürlüyü 167 metr olan “Bulud dəhlizi” ən az 9 min kvadrat metr sahəni əhatə edəcək.
Konsept ilk dəfə “Shelter: Rethinking How We Live in Los Angeles” sərgisində nümayiş olunub.
Büronun rəhbəri Ma Yansun (Ma Yansong) bu konseptin insanlarla təbiət arasındakı mənəvi yaxınlığı göstərdiyini bildirib.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
