x
Loading...

Özbəkistan hökuməti Aral dənizinin qurumasının qarşısının alınması ilə əlaqədar kompleks proqram qəbul edib

Özbəkistan hökuməti Aral dənizinin qurumasının qarşısının alınması ilə əlaqədar kompleks proqram qəbul edib
14:38 7 Sentyabr 2015
41 Dünya
Ölkə mətbuatı
A- A+
.


Daşkənd, 7 sentyabr, AZƏRTAC
Özbəkistan hökuməti Aral dənizinin qurumasının qarşısının alınması, ekoloji fəlakətin və regionun sosial-iqtisadi inkişafının dirçəldilməsi ilə bağlı kompleks proqram qəbul edib.
Proqram 2015-2018-ci illəri əhatə edir və regionun su ehtiyatlarından səmərəli istifadə edilməsinə 1,09 milyard dollar ayrılması nəzərdə tutulur. Bu proqram çərçivəsində region əhalisinin məşğulluğunun artırılmasına 321,2, sağlamlığının qorunmasına 433,7, ətraf mühitin və bioloji müxtəlifliyin qorunmasına isə 158 milyon dollar vəsait xərclənəcək. Sənəddə bildirilir ki, bu məqsədlə səkkiz layihə də həyata keçiriləcək və həmin layihələrə 1,099 milyard dollar vəsait ayrılacaq.
Son 40 ildə Aral dənizinin sahəsi iki dəfə kiçilib, suyun səviyyəsi 18 metr aşağı düşüb, həcmi beş dəfə azalıb.
1993-cü ildə Aral Dənizinin Xilası üzrə Beynəlxalq Fond yaradılıb. Özbəkistan, Qazaxıstan, Qırğızıstan, Tacikistan və Türkmənistan bu Fondun təsisçiləridir. Ötən müddətdə Aral gölünün xilası və bu regionda ekoloji fəlakətin aradan qaldırılması ilə bağlı 300-dən artıq layihə həyata keçirilib.
Qulu Kəngərli
AZƏRTAC-ın xüsusi müxbiri
Daşkənd

Xəbərin orijinal ünvanı: http://azertag.az/xeber/Ozbekistan_hokumeti_Aral_denizinin_qurumasinin_qarsisinin_alinmasi_ile_elaqedar_kompleks_proqram_qebul_edib-882665

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR