Bakı. 29 sentyabr. REPORT.AZ/ Miqrasiya böhranı başlayan vaxtdan indiyə qədər Xorvatiyaya gələn qaçqınların sayı 82 min nəfəri ötüb.
"Report" xəbər verir ki, onların sayı barədə son məlumatları ölkənin Daxili İşlər Nazirliyi açıqlayıb.
İdarənin məlumatına görə, təkcə ötən gün Serbiya ilə sərhəddə yerləşən Tovarnik və Bapska nəzarət-buraxılış məntəqələrindən ölkəyə 4,5 mindən çox qaçqın daxil olub ki, onlar da gün ərzində Macarıstan ilə sərhədə aparılıb.