[ 29 Sentyabr 2015 13:18 ]
Bakı. Şəhriyar Əlizadə - APA. Bərdə rayonunda baş verən yol qəzası zamanı xəsarət almış şəxs ölüb.
APA-nın Daxili İşlər Nazirliyin saytına istinadən verdiyi məlumata görə, sentyabrın 28-də saat 07 radələrində Bərdə şəhərində rayon sakini Nazim Qurbanov idarə etdiyi “VAZ-21099” markalı avtomobili yolun kənarında dayanmış Laçın rayon sakini Qurban Qurbanova məxsus “JAC” markalı avtomobilə vurub. Avtomobildə olan N.Qurbanov xəsarət alaraq xəstəxanaya yerləşdirilib. O, orada dünyasını dəyişib.
Faktla bağlı Bərdə rayon Polis Şöbəsi tərəfindən araşdırma aparılır.
