Bakı, 24 oktyabr, AZƏRTAC
Azərbaycan Hava və Ekstremal İdman Növləri Federasiyası (FAİREX) Beynəlxalq Dağçılıq Federasiyasına (UİAA) tamhüquqlu üzv seçilib.
FAİREX-dən AZƏRTAC-a bildiriblər ki, UİAA-nın Koreya Respublikasının paytaxtı Seulda keçirilən Baş Assambleyasında 30 ölkədən 100-dək nümayəndə iştirak edib. Assambleyada FAİREX-in ölkəmizi təmsil edən tam hüquqlu üzv kimi tanınması məsələsi müzakirə olunub. Bu qurumda səsvermə hüququna malik ölkələrin yekdil səsi ilə FAİREX UİAA-da Azərbaycanı təmsil edən tam hüquqlu əsas üzv seçilib.
UİAA-nın prezidenti Frits Virjland Assambleyadakı çıxışında Azərbaycanda dağçılıq idman növlərinin inkişafında və kütləviliyinin artırılmasında FAİREX-in xüsusi rolu olduğunu vurğulayıb.
