Bakı, 5 dekabr, AZƏRTAC
Sağlamlıq İmkanları Məhdud Gənclərin Peşə Reabilitasiya Mərkəzində “Kompüter”, “Bərbər”(kişi-qadın), “Ağac üzərində oyma”, “Rəssamlıq”, “Toxuculuq”, “Xalçaçılıq” və “Aşbaz köməkçisi” kursları üzrə növbəti imtahan keçirilib.
Reabilitasiya Mərkəzindən AZƏRTAC-a bildiriblər ki, imtahanda 25 nəfər iştirak etdi.
Komissiyanın qərarına görə 15 nəfərə öyrəndikləri peşələr üzrə sertifikat, 1 nəfərə isə arayış verildi. 9 nəfərə isə fərdi yanaşılaraq kurs müddətinin 1 ay uzadılmasına qərar verildi.