Türkiyə Suriyanın İŞİD-in nəzarətində olan əraziləri ilə sərhədinin 82 km-lik hissəsində səddin çəkilişinə başlayıb. APA-nın “DHA” agentliyinə istinadən verdiyi xəbərə görə, hündürlüyü dörd metr olan beton bloklardan ibarət sədd Suriya ilə həmsərhəd Kilis və Qaziantep əyalətlərinin ərazisində ucaldılacaq.
Qeyd edək ki, bu ilin avqustunda Suriya ilə həmsərhəd Reyhanlı şəhəri yaxınlığında divarın tikintisinə başlanılıb.
