Patent ərizələrinin çox hissəsi kompüter texnologiyaları və elektrotexnika avadanlığının payına düşür

Patent ərizələrinin çox hissəsi kompüter texnologiyaları və elektrotexnika avadanlığının payına düşür
10:41 15 Dekabr 2015
Ölkə mətbuatı
A- A+

Ümumdünya Əqli Mülkiyyət Təşkilatının (ÜƏMT) yeni hesabatına əsasən, 2014-cü ildə ixtiraçılar patentlərin verilməsi üçün 2,7 milyon ərizə təqdim ediblər ki, bu da ötən illə müqayisədə 4.5 faiz yüksəkdir. Patentlərin verilməsi üçün ərizələrin sayına görə Çin birinci pilləni tutur.
 
«ICTnews» elektron xəbər xidməti «un.org» resursuna istinadən xəbər verir ki, patent ərizələrinin sayına görə lider dövlətlərin siyahısında, həmçinin Yaponiya, ABŞ, Koreya Respublikası, Braziliya, Hindistan və Rusiya yer alıblar.
 
"Biz yenidən patentlərin sayının artımını müşahidə edirik və bu göstərici ayrı-ayrı ölkələr səviyyəsində və dünya səviyyəsində ÜDM-nin artım tempini xeyli üstələyir. Bu, onu göstərir ki, iqtisadiyyat dəyişir. Biliklər iqtisadiyyatı dövrünə qədəm qoyulur" - ÜƏMT-in baş direktoru Frensis Harri bildirib.
 
2014-cü ildə dünyada 1.18 milyon patent verilib və patent ərizələrinin çox hissəsi kompüter texnologiyaları və elektrotexnika avadanlığının payına düşür.
 
Emil Hüseynov


RƏYLƏR

BU KATEQORİYADAN DİGƏR XƏBƏRLƏR