Ümumdünya Ticarət Təşkilatına (WTO) üzv ölkələr fermer məhsulları ticarətində tarixi razılaşmaya nail olublar.
Milli.Az anspress-ə istinadən bildirir ki, razılaşmaya əsasən, hökumətlərin ixrac olunan məhsullara subsidiya ayırması qadağan olunur.
Bu cür siyasət məhsulları ölkə xaricinə ixrac olunan istehsalçılar üçün xüsusi imtiyazlar - aşağı faizlə vergi mükəlləfiyəti, aşağı faizlə kredit götürməyə imkan verirdi. Lakin bu şərtlər altında daxili istehlakçılar məhsullu idxalçıdan daha baha qiymətə alırdı.
Qəbul olunan qərarlar isə, fermerlərin sərbəst rəqabət imkanlarını artıracaq.
1995-ci ildə yaradılan Ümumdünya Ticarət Təşkilatına 162 ölkə üzvdür. Kenyada keçirilən iclasda təşkilata iki yeni üzv - Əfqanıstan və Liberiya da qəbul olunub.
Tədbirdə müşahidəçi qismində iştirak edən İran İslam Respublikasının sənaye, mədən və ticarət naziri Məhəmməd Rza Nemətzadə dünya ticarətinə inteqrasiya məqsədilə quruma üzv olmaq üçün müraciət edəcəklərini açıqlamışdı.
Milli.Az
