Xalq artisti Aygün Kazımova yaradıcılıq işlərindən danışıb. Lent.az-ın məlumatına görə, xalq artisti “10-dan sonra” verilişində deyib ki, Türkiyədə çalışdığı heyətlə müğənni Röya Ayxan da çalışıb: “Mən Türkiyədə böyük komanda ilə çalışıram. Onlar Tarkan, Ajda Pekkan kimi məşhurlara klip çəkirlər. Həmin komanda bizim Röyanın da son iki klipini ekranlaşdırıb. Onlar ən yaxşılarıdır. Ona görə də bizim çalışdığımız insanlar toqquşur. Bu, yaxşı göstəricidir. İndi həmin yaradıcı heyət Bakıya gələcək. “Səni belə sevmədilər” mahnımı burada ekranlaşdıracaqlar”.
Qeyd edək ki, A.Kazımova ilə R.Ayxan uzun illərdir ki, küsülüdürlər.
