"2015-ci il mənim yadımda xüsusi olaraq qalacaq. Çünki "Qəbələ"yə gəldim, Avroliqada böyük uğurlar əldə etdik. Şəxsi həyatımda da mənim üçün xoş olacaq bir xəbərin intizarındayam. Çünki həyat yoldaşımla övlad gözləyirik".
Milli.Az goal.az-a istinadən xəbər verir ki, bu sözləri "Qəbələ"nin hücumçusu Ermin Zets deyib. Klub qəzetinə danışan bosniya və herseqovinalı futbolçu yeni il düşüncələrini paylaşıb:
"Ümid edirəm ki, 2016-cı il həm karyeramda, həm də şəxsi həyatımda uğurlu olacaq. İstirahətdə paytaxtımız Sarayevoda olacağam. Yeni ili dostlarım, yoldaşlarımla birgə keçirəcəyik".
Milli.Az