Bakı, 13 yanvar, AZƏRTAC
Azərbaycan Respublikasının Prezidenti yanında Gənclər Fondunun (AzGF) maliyyə və Azərbaycan Tələbə Gənclər Təşkilatları İttifaqının (ATGTİ) təşkilati dəstəyi ilə “Dünya tarixində şəxsiyyətlərin rolu" adlı layihənin icrası başa çatıb.
ATGTİ-dən AZƏRTAC-a bildiriblər ki, bu münasibətlə keçirilən tədbirdə tarixi şəxsiyyətlərdən, onların ictimai-siyasi hadisələrə təsirindən danışılıb.
Azərbaycan Dövlət Pedaqoji Universitetinin tələbələrinin iştirakı ilə təşkil olunan layihə iki mərhələdə icra olunub, qalib komandalar diplomlarla təltif edilib.