Dağıstanın Buynaksk rayonunda minik avtomobili qaz kəmərinə çırpılıb.
APA-nın “Kommersant”-a istinadən verdiyi məlumata görə, hadisə nəticəsində rayonda 4 yaşayış məntəqəsi qazsız qalıb.
Mahaçqala-Qunib yolunda baş verən qəzada 2 nəfər xəsarət alıb.
“İlkin məlumata əsasən, “Lada Priora” markalı avtomobil idarəetməni itirərək yoldan çıxıb və qaz kəmərinə çırpılıb. Qəza zamanı 2 nəfər, avtomobilin sürücüsü və sərnişin müxtəlif dərəcəli xəsarətlər alıblar”, deyə DİN nümayəndəsi bildirib.
