Bakı. 9 mart. REPORT.AZ/ Azərbaycan idmançıları indiyədək 2016-cı il Rio-de-Janeyro Yay Olimpiya Oyunlarına 34 lisenziya qazanıb. "Report"un məlumatına görə, bu barədə gənclər və idman naziri Azad Rəhimov jurnalistlərə açıqlamasında bildirib.
Nazir deyib ki, bu sırada yeni idman növləri də var: "Sevindirici haldır ki, velotrek, kanoe-slalom kimi yeni növlərdə lisenziyalar qazanmışıq, triatlonda isə vəsiqə tezliklə əldə olunacaq. Bu da onu göstərir ki, idmanın coğrafiyası genişlənir".
Qeyd edək ki, "Rio-2016" 5 - 21 avqustda keçiriləcək.