Britaniya futbolunda daha bir qalmaqal yaşanır. Daha doğrusu, iki futbolçu ilə onların sevgililərinin tribunadakı davranışları böyük hiddət doğurub.
Qalmaqalın səbəbkarları Bekinhemşir qraflığındakı Milton Kins şəhərinin "Milton Kins Dons" klubunun yarımmüdafiəçisi Samir Karruters və "Bristol Siti"nin müdafiəçisi Lyuk Eylinqdir.
Milli.Az Daily Mail-ə istinadən bildirir ki, onlar Qlosterşir qraflığındakı Çetlnem şəhərində keçirilən ənənəvi, məşhur "Cheltenham Festival" cıdırında əxlaqsızlıq ediblər.
Onlar tribunada olarkən içində şampan şərabı olan qədəhləri boşaldıblar, sonra da həmin qədəhlərin içinə pəşov edərək yaxınlıqdakı adamlara "təqdim" ediblər.
Futbolçular onları kimsənin görmədiyini düşünüblər. Lakin belə deyildi: reportyorlar hər şeyi görüblər və çəkiblər.
Samir Karruters və Lyuk Eylinqin biabırçı davranışları bununla da bitməyib.
Samirin sevgilisi, teleaparıcı Cessika Heys ilə Lyukun sevgilisi, qlamur model Keti Selmon da "əylənmək" qərarına gəliblər.
Samirlə Lyuk onlara "Mərc gələk ki, sinənizi aça bilməzsiniz" deyəndə teleaparıcı ilə model sinələrini açıblar.
"Arsenal" və "Aston Villa"nın sabiq oyunçusu S.Karruterslə "Bristol Siti"nin müdafiəçisi Lyuk Eylinqin davranışları tribunada olanları hiddətləndirib.
Şikayətlərdən sonra İngiltərənin Futbol Assosiasiyası olayı araşdırmağa başlayıb.
Hər iki futbolçunun uzun müddətə oyunlardan kənarlaşdırılacağı istisna olunmur.
Cessika Heys və Keti Selmon isə "sadəcə, zarafat etdiklərini" söyləyiblər.
Milli.Az
