Bakı. 12 aprel. REPORT.AZ/ Türkiyə prezidenti Rəcəb Tayyib Ərdoğan Almaniya televiziyasının efirində haqqında təhqiredici şeir oxuyan komediya ustası Yan Bemermanı məhkəməyə verib.
"Report" xəbər verir ki, bu barədə alman prokurorluğuna istinadən "Reuters" məlumat yayıb.
Maynst prokurorluğunun məlumatına görə, Ərdoğan ZDF dövlət kanalında efirə gedən "Neo Magazin Royale" şousu zamanı onu təhqir edən Bemermanı hüquqi firma vasitəsi ilə məhkəməyə verib.