Türkiyə inanır ki, Azərbaycan "G 20"nin fəaliyyətinə böyük töhfə verə bilər
Trend-in məlumatına görə, bunu Bakıda Türkiyənin xarici işlər naziri Mövlud Çavuşoğlu azərbaycanlı həmkarı Elmar Məmmədyarovla danışıqların yekunu üzrə keçirilən brifinqdə deyib.

Onun sözlərinə görə, Türkiyə "G 20"də sədrliyi dövründə "Böyük iyirmilik" sammitinə bir dövləti dəvət etmək hüququna malikdir və bu ölkə Azərbaycandır: "Biz inanırıq ki, Azərbaycanın "G 20" sammitində iştirakı "Böyük iyirmiliy"in fəaliyyətinə öz töhfəsini verəcək".

E.Məmmədyarov isə öz növbəsində türkiyəli həmkarına ölkəni sammitə dəvət etdiyinə görə təşəkkür edib və qeyd edib ki, Azərbaycan "G 20"nin fəaliyyətinə töhfə verməyə hazırdır.

Milli.Az