Xalq artisti Niyaməddin Musayev müğənnilərin “Azərbaycanda dənizə getmirəm” sözlərinə cavab verib.

Axşam.az-ın məlumatına görə, ifaçı “Star life” verilişinə açıqlamasında bu yay bölgələrdə dincələcəyini deyib:

“Azərbaycanın gözəl yerləri var, bu yay orada istirahət edəcəm. Yayda Nyu-Yorkda, Şri-Lankada dincəldiyim, dənizə girdiyim vaxtlar olub.

Bakıda da çimərliyə gedirəm. Niyə məşhur biri burada dənizə gedə bilməsin ki? Zığ, Şüvəlan, Pirşağı tərəflərdə dənizə girirəm.

Düzdür tanınmış biri üçün bu çətin olur, şəkil çəkdirmək istəyənlər çox yaxınlaşır. Yarıçılpaq da çəkdirmək alınmır. Onların qəlbini sındırmamaq üçün gedib paltarımı geyinib gəlirəm və şəkil çəkdirirəm”.