"Report" "Hürriyet"e istinadən xəbər verir ki, fövqəladə vəziyyət çərçivəsində qəbul edilən tədbirlərə dair qanun hökmündə fərman rəsmi qəzetdə dərc olunub.
Sənədə əsasən, 1 043 özəl məktəb, tələbə yataqxanası və pansionat, 1 229 vəqf və dərnək, 35 səhiyyə müəssisəsi, 19 həmkarlar təşkilatı, federasiya və konfederasiya və 15 vəqf orta məktəbi bağlanıb.
Qeyd edək ki, Türkiyədə iyulun 15-də baş vermiş uğursuz dövlət çevrilişi cəhdinin qarşısının alınması zamanı 246 nəfər həlak olub, 2 185 nəfər yaralanıb. Dövlət çevrilişi cəhdinə görə 10 607 nəfər saxlanılıb, 4 496 nəfər barəsində həbs qətimkan tədbiri seçilib. Ölkə ərazisində 3 ay müddətinə fövqəladə vəziyyət rejimi tətbiq edilib.
