Türkiyəli müğənni Murad Dalkılıç və rumın ifaçı Otiliyanın Bakı konserti baş tutub.
Axşam.az-ın məlumatına görə, “Sapfir” sarayda keçirilən gecədə səhnəyə ilk Otiliya çıxaraq mahnılarını səsləndirib. Otilia Sərdar Ortaçla duet şəklində oxuduğu “Balım” mahnısını da qonaqlara təqdim edib. Daha sonra ifaçı bəstəkar Kamalın “Gəlsən də, gəlməsən də” mahnısını oxuyub.
Otilianın çıxışından sonra Murad Dalkılıç səhnəyə çıxaraq qonaqları salamlayıb və sevilən mahnılarını səsləndirib.
Təşkilatçılığını Nahid Emiloğlunun etdiyi gecənin aparıcılığı Afaq Gəncəliyə həvalə olunub.
Konserti izləməyə gələn qonaqlar arasında xalq artisti Flora Kərimova, əməkdar artist Ədalət Şükürov, müğənnilər Aysel Əlizadə, Sevil və Sevinc Səfərovalar, Ceyhun Əliyev, stilist Elnur Həsənov, aktyorlar Fərda Xudaverdiyev, Elməddin Cəfərov, aparıcı Lalə Əlimuxtarova və başqaları yer alıb.
Foto: Ramin ASLANOV
