Bakı. 13 oktyabr. REPORT.AZ/ Azərbaycanda qızıl, gümüş, mis hasilatı ilə məşğul olan "Anglo-Asian Mining" şirkətinin xalis borcu III rübdə 7,6% azalaraq sentyabrın 1-i vəziyyətinə 37,7 mln. ABŞ dolları təşkil edib.
"Report"un şirkətə istinadən verdiyi xəbərə görə, bu müddətdə şirkətin Azərbaycan Beynəlxalq Bankına (ABB) borcu 24% azalaraq 8,7 mln. dollar təşkil edib. "Anglo-Asian Mining" şirkətinin "YapıKredi Bank"a borcu III rübdə 0,5 mln. dollar azalaraq sentyabrın 1-nə 0,9 mln. dollara enib.
Şirkətin "PAŞA Bank" ASC-yə borcu isə 0,9 mln. dollar artaraq 3,3 mln. dollardan 4,2 mln. dollara yüksəlib.
Bu ilin sentybarın 1-nə şirkətin borcunun strukturu aşağıdakı kimi olub:
(letter of credit financing)
Xatırladaq ki, “Gədəbəy” yatağında qızıl və gümüş 1997-ci il avqustun 21-də imzalanmış Hasilatın Pay Bölgüsü (PSA - Production Sharing Agreement) müqaviləsi çərçivəsində hasil olunur. Müqavilədə Azərbaycanın payı 51%, “Anglo-Asian Mining Plc.” şirkətinin payı 49% təşkil edir. “Gədəbəy” yatağında ilk qızıl hasilatına 2009-cu ildə, gümüş hasilatına isə 2010-cu ildə başlanılıb.
