Bakıda oğurluğa cəhd etmiş şəxs tutulub. Lent.az Daxili İşlər Nazirliyinə istinadən xəbər verir ki, bu gecə saat 01 radələrində, Nəsimi Rayon Mühafizə İdarəsinin əməkdaşları, rayonun H.B.Əliyev küçəsi, ev 24 ünvanında yerləşən fiziki şəxs İlqar Quliyevə məxsus, qorunmayan “Mikro” market mağazasının anbarına nəfəsliyi sındıraraq oğurluq məqsədi ilə daxil olmuş Ağcabədi rayonu, Şənlik kənd sakini, 1992-ci il təvəllüdlü Hümbətov Sakit İxtiyar oğlunu yaxalayaraq, sonrakı araşdırmalar aparılması üçün ərazi üzrə Nəsimi Rayon Polis İdarəsinin 19-cu Polis Bölməsinə təhvil veriblər. Faktla bağlı Nəsimi RPİ-nin 19-cu PB-də araşdırma aparılır.