Elmar Məmmədyarov Maldiv adalarının XİN başçısı ilə görüşüb

Elmar Məmmədyarov Maldiv adalarının XİN başçısı ilə görüşüb
14:37 18 Oktyabr 2016
26 Ölkə
Ölkə mətbuatı
A- A+

Bakı. 18 oktyabr. REPORT.AZ/ İslam Əməkdaşlıq Təşkilatı Xarici İşlər Nazirləri Şurasının 43-cü iclasında iştirak etmək məqsədilə Daşkənddə işgüzar səfərdə olan Azərbaycanın xarici işlər naziri Elmar Məmmədyarov Maldiv adaların xarici işlər naziri Məhəmməd Asim ilə görüşüb.
Azərbaycan Xarici İşlər Nazirliyinin mətbuat xidmətindən "Report"a verilən məlumata görə, görüşdə nazirlər Azərbaycan və Maldiv arasında siyasi, iqtisadi və turizm sahəsində ikitərəfli əməkdaşlığın inkişafı perspektivlərini müzakirə ediblər.
Onlar beynəlxalq təşkilatlar çərçivəsində iki ölkə arasında əməkdaşlığa toxunan tərəflər seçkili orqanlarda namizədliklərin dəstəklənməsinə dair fikir mübadiləsi aparıblar.
XİN başçıları görüşdə eləcə də İƏT-in Xarici İşlər Nazirləri Şurasının gündəliyi və qarşılıqlı maraq doğuran regional məsələləri müzakirə ediblər. 

RƏYLƏR

BU KATEQORİYADAN DİGƏR XƏBƏRLƏR