Bakı. 31 oktyabr. REPORT.AZ/ Türkiyə polisi "Cümhuriyyet" qəzetinin icraçı direktoru Murat Sabuncu, İdarə Heyətənin sədri Akın Atalay və yazarı Güray Özün evində axtarış aparıb.
"Report" "Cümhiriyyet"ə istinadən xəbər verir ki, M.Sabuncu və G.Öz tutulub.
İnformasiyaya görə, A.Atalay xarici ölkədə olduğundan onun həbsinə dair qərarı çıxarılıb.
Qeyd edək ki, "Cümhuriyyet" qəzeti 1924-cü il mayın 7-dən etibarən gündəlik nəşr olunur. Qəzetin adını Türkiyə Cümhuriyyətinin banisi Mustafa Kamal Atatürk qoyub.