Qadın futbolçular arasında İspaniya çempionatının “Atletiko” - “Torrelodones” oyunundan sonra xoşagəlməz hadisə yaşanıb.
Publika.az İspaniya mətbuatına istinadən xəbər verir ki, qonaq komandanın futbolçularından biri oyundan sonra duş qəbul edərkən, bir nəfərin pəncərədən mobil telefonla onun fotolarını çəkdiyini görüb. Xanım futbolçu hadisəylə bağlı dərhal polisə şikayət edib. Polis məsələylə bağlı təhqiqata başlayıb. Fotoları çəkən şəxsin “Atletiko”nun əməkdaşı olduğu deyilir.
Madrid klubunun rəhbərliyi qadın oyunçuyla görüşərək, ona təskinlik verib.
“Torrelodones” klubu isə bəyanat yayaraq, baş vermiş hadisəyə görə “Atletiko”dan üzrxahlıq gözlədiklərini bildiriblər.
