UNEC ABŞ-ın nüfuzlu universiteti ilə əməkdaşlıq edəcək

UNEC ABŞ-ın nüfuzlu universiteti ilə əməkdaşlıq edəcək
16:47 2 Dekabr 2016
99 Ölkə
Ölkə mətbuatı
A- A+

Bakı. 2 dekabr. REPORT.AZ/ Azərbaycan Dövlət İqtisad Universiteti (UNEC) ilə ABŞ-ın İllinoys Universiteti (UİC) arasında gələcək əməkdaşlığa dair razılıq əldə edilib.
Bu barədə “Report”a UNEC-in Marketinq və Kommunikasıya Departamentidən məlumat verilib.
UNEC-in rektoru Ədalət Muradovla UİC-in prorektoru Robert Bariş və həmin universitetin professoru Konstantin Slavin arasında keçirilən görüşdə ikili diplom proqramının həyata keçirilməsi, müəllim və tələbə mübadiləsinin aparılması, birgə elmi-tədqiqat işlərinin təşkili, elmi məqalələrin yazılması, eyni zamanda video konfransların keçirilməsi ilə bağlı müzakirələr aparılıb və razılığa gəlinib.
Sonda UNEC-in nümayəndə heyəti İllinoys Universitetinə dəvət edilib.
Qeyd edək ki, “Times Higher Education World University Rankings”in son hesabatına görə, Çikaqo ştatında yerləşən UİC dünyanın 200 ən yaxşı universiteti arasında yer alıb.

Xəbərin orijinal ünvanı: https://report.az/elm-ve-tehsil/unec-abs-in-nufuzlu-universiteti-ile-emekdasliq-edecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR