Bakıda əvvəllər məhkum olunmuş şəxsdən silah və narkotik götürülüb.
Bakı şəhər Baş Polis İdarəsindən ANS PRESS-ə verilən məlumata görə, əməliyyat Binəqədi rayon Polis İdarəsinin 5-ci polis bölməsi əməkdaşları tərəfindən keçirilib.
Həyata keçirilən əməliyyat-axtarış tədbirləri nəticəsində əvvəllər məhkum olunmuş Bakı şəhər sakini, 1978-ci il təvəllüdlü Rəşad Hüseynovdan 0,362 qram heroin aşkarlanıb.
Saxlanılan şəxsin evindən isə 1 ədəd nömrəsi silinmiş 7,65 mm çaplı “Mauzer” markalı tapança və ona aid 8 ədəd patron tapılıb.
Faktla bağlı araşdırma aparılır.