Bakı "İnter"inin braziliyalı futbolçusu Denis Silva Azərbaycan diində müsahibə verib.
Milli.Az qol.az-a istinadən bildirir ki, dünən Topaz Premyer Liqanın 14-cü turunun "Qarabağ"a qarşı oyunundan (0:0) sonra o, jurnalistlərə açıqlamanı öz doğma dilində və ya ingiliscə deyil, azərbaycanca verib. Düzdür, Silva Azərbaycan dilində fikirlərini ifadə edərkən çətinlik çəkib. Bununla belə, ölkəmizdə çıxış edən bir legionerin dilimizə hörmət göstərməsi müsbət dəyərləndirilməlidir.
Qeyd edək ki, Denis Silva 2008-ci ildən Azərbaycanda çıxış edir. O, müxtəlif vaxtlarda "Xəzər Lənkəran", "Neftçi"də oynayıb, hazırda isə "İnter"in şərəfini qoruyur. 2010 və 2012-ci illərdə vətəni Braziliyaya qayıdaraq "Qremio"da da oynayıb.
Videonu izləmək üçün şəklə klikləyin:
Milli.Az
