İsmayıllı rayonunda intihar hadisəsi baş verib.
Milli.Az-ın APA-ya istinadən xəbərinə görə hadisə rayonun Qalacıq kəndində qeydə alınıb. Kənd sakini, 1965-ci il təvəllüdlü Bədirov Çingiz Sidqi oğlu yaşadığı evdə çoxsaylı dərman preparatları qəbul edərək özünü öldürüb.
Uzun illərdir ki, İsmayıllı Rayon Mərkəzi Xəstəxanasının poliklinika şöbəsində stomatoloq həkim kimi çalışan Çingiz Bədirovun özünə qəsd etməsinin səbəbi, hələ ki, məlum deyil. Ailə üzvləri onun intihar etməsindən gec xəbər tutublar və onun həyatını xilas etmək mümkün olmayıb.
Faktla bağlı İsmayıllı Rayon Prokurorluğu tərəfindən araşdırma aparılır.
Milli.Az
