Ayan özündən çıxdı: "Bu qızı qaçıran namussuz..." - FOTO

Paylaş

Milli.Az xəbər verir ki, müğənni sosial şəbəkə istifadəçilərinin yetkinlik yaşına çatmayan qızı qınaq atəşinə tutmalarını anlaşılmaz addım kimi dəyərləndirib:

"Bir neçə səhifə bu xəbəri paylaşıb və aşağıda camaat yazır ki: "Kül sənin qız başına" və başqa təhqiredici sözlər... Bu qızcığaz hələ 14 yaşındadır. Bəs bunu qaçıran namussuz hələ qızdan da 13 yaş böyükdür. Bu bilmir ki, ən böyük günahı alıb boynuna? Niyə görəsən, həmişə qadınlar-qızlar, analar qınaq atəşinə tutulur?

Bir şeyi unutmayın ki, kişi istərsə, qadınını mələk də edər, fahişə də. Bəsdir artıq! Ən çox da qınayan elə qadınların özləridir. Bir özünüzü o qızcığazın yerinə qoyun. Durub burada deməyin ki: "A... , yox, mən tərbiyəli qadınam". Başımıza sabah nə gələcək - onu bir tək tanrımız bilir. Sahiblənməyi bacaraq. Baltalamaq onsuz da asandır!"

Xatırladaq ki, Xəzər TV-də Xoşqədəm Hidayətqızının təqdimatında yayımlanan "Bizə danış" verilişinə 14 yaşlı qız müraciət edərək, qoşulub qaçdığı sevgilisinin ailəsi tərəfindən 6 aylıq hamilə olmasına rəğmən evdən atıldığını bildirmişdi. 14 yaşında özündən 13 yaş böyük oğlana qoşulub qaçan yeniyetmə kömək istəmişdi.

Təhməz Təkin

Milli.Az

Digər maraqlı xəbərlər Milli.Az-ın Facebook səhifəsində