Bakı. Orxan Quluzadə - Trend:
5-ci İslamiadada azərbaycanlı azarkeşləri Türkiyədə gözləyirik.
Trend-in məlumatına görə bunu 4-cü İslam Həmrəyliyi Oyunlarının açılışını izləmək üçün Bakıya gəlmiş Türkiyəli azarkeş Murat Torul deyib.
Qonaq qeyd edib ki, Bakıda Oyunların həyəcanı və keçirilməsi ən yüksək səviyyədədir: “Bakıda hər şey çox gözəldir. Bu oyunları izləmək üçün 3 nəfər bayraqlarımızla birlikdə Azərbaycana gəlmişik".
Onun sözlərinə görə, Oyunlarda daha çox qaçış və güləş üzrə yarışları izləməyə gəlib: “İnşallah qızıl medalları Azərbaycan və türk idmançılar qazanar”
Qeyd edək ki, bu gün açılışı keçirilən Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
5-ci İslam Həmrəyliyi Oyunları isə Türkiyədə keçiriləcək.
