Qazaxıstanın Abılay Xan Universitetinin 6 tələbəsi Misirdə itkin düşüb.
Publika.az bildirir ki, bu barədə Qazaxıstan Xarici İşlər Nazirliyinin mətbuat xidmətinin rəhbəri Anuar Jaynakov məlumat verib.
O qeyd edib ki, 2 tələbə iyulun 11-də dil kurslarında təhsil almaq üçün Qahirəyə gedib. Onlar tədris alacaqları məktəbin daha 4 tələbəsi ilə bir mənzildə yaşayırdılar.
İyulun 20-dən bugünə qədər 6 tələbənin heç birindən xəbər yoxdur. Qazaxıstan hökuməti o andan axtarışlara başlayıblar.
"Biz vətəndaşlarımızın yerinin müəyyənləşdirilməsi istiqamətində kömək göstərmələri xahişi ilə Misirin Xarici İşlər Nazirliyinə nota göndərmişik və onlardan cavab gözləyirik", - deyə Anuar Jaynakov mətbuata bildirib.
Zaur H.