Bakı. 24 sentyabr. REPORT.AZ/ Tanzaniyada sərnişinləri daşıyan avtobus yol qəzasına uğrayıb.
"Report" xəbər verir ki, bu barədə hüquq-mühafizə orqanları əməkdaşlarına istinadən "Xinxua" məlumat yayıb.
Bildirilir ki, yol qəzası ötən gün axşam Ruvuma vilayətində qeydə alınıb. 44 nəfəri aparan nəqliyyat vasitəsi yoldan çıxaraq aşıb.
Nəticədə azı 2 nəfər ölüb, daha 42 nəfər yaralanıb. Sürücü hadisə yerindən qaçıb.
İlkin fərziyyəyə görə, qəza ehtiyatsızlıq səbəbindən baş verib.