Bakı. 25 sentyabr. REPORT.AZ/ Gürcüstanın sabiq prezidenti, Odessa vilayətinin keçmiş qubernatoru Mixeil Saakaşvili oktyabrın 17-də Kiyevdə keçirilməsi planlaşdırılan mitinq zamanı Ukrayna Nazirlər Kabinetinin bütün üzvlərini "göndərmək" niyyətində olduğunu bəyan edib.
Bu barədə "Report" "RİA Novosti"yə istinadən xəbər verir.
"Biz oktyabrın 17-də buraya qayıdacağıq və Ukrayna xalqı onları (nazirləri - red.) buradan göndərəcək", - M.Saakaşvili bu gün Kiyevdə keçirilən mitinqdə bildirib.
O, həmçinin bu gün həmfikirlərinin axtarışı ilə əlaqədar Lvova səfər edəcəyini də vurğulayıb.
