Noyabrın 9-u Azərbaycanda Dövlət Bayrağı Günüdür.
Ölkəmizin üçrəngli bayrağı dövlət rəmzi olaraq Azərbaycan Xalq Cümhuriyyəti hökumətinin 1918-ci il 9 noyabr tarixli iclasında qəbul olunub. 1920-ci ilin 28 aprelində Xalq Cümhuriyyəti süqut edəndən və Azərbaycan sovetləşəndən sonra respublikanın üçrəngli bayrağı da dəyişdirilərək qırmızı sovet bayrağı ilə əvəzlənib.
Ümummilli lider Heydər Əliyevin sədrliyi ilə 1990-cı il noyabrın 17-də Naxçıvan parlamentinin sessiyasında Azərbaycan Xalq Cümhuriyyətinin (1918-1920) üçrəngli bayrağı Naxçıvan Muxtar Respublikasnın bayrağı kimi qəbul edilib. Qərarda deyilirdi:
«İlk Azərbaycan Demokratik Respublikasının üçrəngli dövlət bayrağı Naxçıvan Muxtar Respublikasının dövlət bayrağı kimi təsis edilsin. Naxçıvan Muxtar Respublikasının digər dövlət rəmzi - dövlət gerbi haqqında məsələ öyrənilib Naxçıvan Muxtar Respublikası Ali Məclisinin müzakirəsinə verilsin».
1991-ci il fevralın 5-də respublika Ali Sovetinin qərarı ilə üçrəngli və ay-ulduzlu bayraq yenidən Azərbaycanın dövlət bayrağı elan edilib. Azərbaycan prezidenti İlham Əliyevin 2009-cu il noyabrın 18-də imzaladığı sərəncamla 9 noyabr tarixi Dövlət Bayrağı Günü kimi qeyd olunur.
Metbuat.az oxucularına tarixi Azərbaycan dövlətlərinin bayraqlarını təqdim edir:
Midiya dövlətinin bayrağı
Azərbaycan Atabəylər dövlətinin bayrağı
Qaraqoyunlu dövlətinin bayrağı
Ağqoyunlu dövlətinin bayrağı
Şah İsmayıl Xətainin hakimiyyəti dövründə Səfəvilərin bayrağı
İrəvan xanlığının bayrağı
İrəvan xanlığının bayrağı
Cavad xanın dövründə Gəncə xanlığının bayrağı
Şahverdi xanın dövründə Gəncə xanlığının bayrağı
Bakı xanlığının bayrağı
Şəki xanlığının bayraqlarından biri
Mehdiqulu xanın dövründə Qarabağ xanlığının bayrağı
Azərbaycan Demokratik Respublikasının 1918-ci ildəki ilk bayrağı
Azərbaycan Demokratik Respublikasının 1918-ci ildəki ilk bayrağı
Azərbaycan SSR-nin 1920-1921ci illərdəki ilk bayrağı
Azərbaycan SSR-nin 1921-1922-ci illərdəki bayrağı
Azərbaycan SSR-nin 1922-1923-cü illərdəki bayrağı
Azərbaycan SSR-nin 1937-1939-cu illərdəki bayrağı
Azərbaycan SSR-nin 1939-1952-ci illərdəki bayrağı
Azərbaycan SSR-nin 1952-1991-ci illərdəki bayrağı
Azərbaycan Respublikasının Dövlət Bayrağı 1991 5 fevral
"Azərbaycanın heç bir maliyyə problemi, çətinliyi
yoxdur" – Oxumaq üçün tıklayın!
Xəyalə Məmmədova / METBUAT.AZ
