“Pandora yeşiyi” və Trampın təklif etdiyi TƏSLİMÇİLİK AKTI

Paylaş

Brüssel Ukrayna və Türkiyə ilə münasibətlərini yeni model əsasında qura bilər. Bunu “Funke” media qrupuna müsahibəsində Almaniya Xarici İşlər naziri Ziqmar Qabriel söyləyib.

“Əgər biz Britaniya ilə məntiqli razılaşma hazırlaya bilsək, o, digər ölkələrə də nümunə olacaq. Bu sistem Ukrayna və Türkiyəyə tətbiq oluna bilər. Yaxın illərdə bu ölkələr Avropa Birliyinin üzvləri olmayacaq. Buna görə də biz əməkdaşlıq üçün alternativlər barədə düşünməliyik”, – deyə o bildirib.

“Əl-Qaidə” beynəlxalq terror qruplaşmasının dünyanın 80-dən çox ölkəsində gizli bölmələri var. Bunu “Arqumentı i faktı” nəşrinə müsahibəsində Rusiya Təhlükəsizlik Şurasının katibi Nikolay Patruşev bildirib.

“Terrorçuların başçıları anlayırlar ki, əvvəlki hökmranlıq zonalarında onları ölüm gözləyir. Buna görə də taktikanı dəyişdirməyə başladılar. Radikal ideologiyanın geniş yayılması üçün dünyanın müxtəlif ölkələrində gizli terror qrupları hazırlanır. Müxtəlif qiymətləndirmələrə görə, yalnız “Əl-Qaidə” dünyanın 80-dən çox ölkəsində, həmçinin ABŞ və Kanadada gizli qruplara malikdir”, - Patruşev deyib.

Rusiya Suriyanın Tartus və Xmeymim bazalarında hərbi qulluqçularının daimi qruplaşmasının formalaşdırılmasına başlayıb. Bu haqda Rusiyanın müdafiə naziri Sergey Şoyqu bildirib.

“Keçən həftə Ali Baş Komandan (Rusiya prezidenti Vladimir Putin –red.) Tartus və Xmeymimdəki hərbi bazaların strukturu və ştatlarını təsdiq etdi. Biz bu bazalarda daimi qruplaşmaları formalaşdırmağa başladıq”, - nazir deyib.

Qeyd edək ki, bu gün Rusiya Federasiya Şurası Tartusda Rusiyanın Hərbi-Dəniz Donanmasının genişləndirilməsi haqqında Suriya-Rusiya razılaşmasını təsdiqləyib. Razılaşma Dövlət Dumasında dekabrın 21-də təsdiqlənmişdi.

Suriya müxalifəti Suriya Milli Dialoq Konqresində iştirakdan imtina edib. Müxalifətin bəyanatına Suriyadakı 40 fərqli qruplaşma imza atıb.

Qeyd edək ki, konqresin gələn ilin 29 yanvar tarixində Rusiyanın Soçi şəhərində keçirilməsi planlaşdırılır.

ABŞ prezidenti Donald Tramp Fələstin-İsrail danışıqlarında ABŞ-ın vasitəçilik missiyasının bitdiyini elan edən Fələstin lideri Mahmud Abbasa qarşı hərəkətə keçir. Bu haqda İsrail kəşfiyyatına yaxınlığı ilə tanınan “Debka” portalı yazıb.

Portalın yazdığına görə, ABŞ Fələstin rəhbərliyinə qarşı maliyyə və siyasi məhdudiyyətlər tətbiq edəcək.

Trampdan Fələstinə qarşı növbəti addım - 8 maddəlik “YOL XƏRİTƏSİ”

“HƏMAS-a ABŞ-ın fələstinli səlahiyyətlilərə Qüds yaxınlığındakı Əbu Deys şəhərinin paytaxt verilməsi barədə təklif verəcəyinə dair məlumatlar çatıb”. Bu haqda Fələstinin HƏMAS təşkilatının Siyasi Bürosunun sədri İsmail Hәniyyә deyib.

Onun sözlərinə görə, təklifdə qeyd olunub ki, bu şəhər bir körpü vasitəsilə Qüdsdəki Məscid-i Əqsaya bağlanacaq.

Şərqi Qüds əvəzinə yeni PAYTAXT - ABŞ-dan Fələstinə ŞOK TƏKLİF

“IHS Jane” konsaltinq firmasının illik icmalında verilən proqnozlara görə, 2018-ci ildə Avropa dövlətlərinin müdafiəyə ayrılan məcmu xərcləri “soyuq müharibə” dövründən sonra ən yüksək həddə olacaq. Şərqi Avropa ölkələrində müdafiə büdcəsinin daha sürətlə artacağı gözlənilir.

“National Interest” portalı xəbər verir ki, Şərqi Avropa ölkələri arasında müdafiə büdcəsinin artımına görə birinci cərgədə Baltiya ölkələridir.

Hərbi xərclər “soyuq müharibə” dövründən sonra ən yüksək həddə olacaq

ABŞ BMT-nin 2018-2019-cu illər üçün nəzərdə tutulan büdcəsinə ayırdığı vəsaiti 285 milyon dollar azaldacaq. Bu haqda ABŞ-ın BMT-dəki daimi nümayəndəsi Nikki Heyli deyib.

“Bundan sonra Amerika xalqının comərdliyinin istismar edilməsinə və ya bunun nəzarətsiz qalmasına icazə verməyəcəyik”, - amerikalı diplomat bildirib.

Rusiya Mərkəzi Seçki Komissiyası (MSK) televiziya aparıcısı Kseniya Sobçakın prezidentliyə namizədliyini qeydə alıb. Sobçaka seçki fondunun yaradılması üçün xüsusi bank hesabını açmağa icazə verilib. Qeyd edək ki, televiziya aparıcısının namizədliyi “Vətəndaş təşəbbüsü” Partiyası tərəfindən irəli sürülmüşdü.

MSK daha əvvəl Rusiya Liberal Demokrat Partiyasının sədri Vladimir Jirinovskinin namizədliyini qeydə alıb. Hazırkı prezident Vladimir Putin prezident seçkilərində iştirak edəcəyini açıqlayıb. MSK müxalifət lideri Aleksey Navalnının namizədliyini qeydə almaqdan imtina edib.

Qeyd edək ki, Rusiyada prezident seçkiləri 2018-ci il martın 18-də keçiriləcək

Çin 2032-ci ildə ümumi daxili məhsulun həcminə görə ABŞ-ı ötəcək. Bu haqda Britaniyanın İqtisadiyyat və Biznes Problemləri Tədqiqatları Mərkəzinin (CEBR) hesabatına istinadən “İnterfaks” agentliyi məlumat yayıb.

Bundan başqa, gözlənilir ki, artıq 2017-ci ildə Hindistan Böyük Britaniya və Fransanı ötərək dünyanın dördüncü iqtisadiyyatı olacaq. XXI əsrin ikinci yarısında Hindistan dünyanın ən böyük iqtisadiyyatına malik ölkə ola bilər.

Həmçinin mütəxəssislər bildirirlər ki, 25 il sonra dünyanın 10 ən böyük iqtisadiyyatının arasına Cənubi Koreya və İndoneziya girəcək.

CEBR-in hesabatına əsasən, gələn il iqtisadiyyatın həcminə görə ilk onluqda ABŞ, Çin, Yaponiya, Almaniya, Hindistan, Fransa, Britaniya, Braziliya, İtaliya və Kanada yer alacaq.

Amerika və Kanada silahlarının Ukraynaya çatdırılması Donbasda münaqişəni alovlandıracaq. Bunu “RİA-Novosti” agentliyinə müsahibəsində Rusiyanın Xarici İşlər Nazirliyinin başçısının müavini Qriqori Karasin bildirib.

“ABŞ və Kanada Kiyevə silah göndərilməsi haqqında qərar qəbul edərək “Pandora yeşiyi”ni açırlar və faktiki olaraq, Ukraynanın tərəfində münaqişəyə daxil olurlar. Bununla da münaqişəni yenidən alovlandırır və onu beynəlmiləlləşdirirlər. Çox az adam belə addımın nəticələri haqqında fikirlərşir”, - diplomat vurğulayıb.

Karasin həmçinin Ukraynada hazırda Amerika, Kanada və NATO-nun başqa ölkələrinin bir neçə yüz hərbi təlimatçısının olduğunu xatırladıb.

“ABŞ və Kanada “Pandora yeşiyi”ni açdı” - Moskvadan XƏBƏRDARLIQ

Koreya Xalq Demokratik Respublikası (KXDR) yeni peyk yaradıb. Bu haqda kəşfiyyat mənbələrinə istinadən Cənubi Koreyanın “Çunan İlbo” qəzeti bildirib.

Nəşrin məlumatına görə, peyk “Kvanmenson-5” (“Parlaq ulduz”) adını aldı. Təfərrüatlar və peykin texniki xarakteristikaları açıqlanmır.

“Kvanmenson-4” adlı əvvəlki peyk eyniadlı raket-daşıyıcı ilə 2016-cı il fevralın 7-də Pxyonan-Pukto əyalətindəki Soxe kosmodromundan buraxılıb. Bu işəsalma Koreya yarımadasında vəziyyəti kəskinləşdirib.

Yapon və Cənubi Koreya hərbçilərinin məlumatına görə, bu raket “Tepxodon-2” qitələrarası ballistik raketin mülki versiyası olan “İnxa-3” daşıyıcısının təkmilləşdirilmiş modifikasiyasıdır.

Koreya yarımadasında müharibə olacağı halda Cənubi Koreyada yaşayan on minlərlə ABŞ vətəndaşı həlak olacaq. Bunu “Arqumentı i faktı” nəşrinə müsahibəsində Rusiya Təhlükəsizlik Şurasının katibi Nikolay Patruşev bildirib.

“Tarix göstərir ki, ABŞ öz hədəflərinə çatmaq istəyərkən başqa dövlətlərin vətəndaşlarının həyatlarını nəzərə almır. Ancaq Vaşinqton, Cənubi Koreyada 250 min amerikalının yaşadığını nəzərə almaya bilməz. Koreya yarımadasında irimiqyaslı döyüş əməliyyatları halında on minlərlə ABŞ vətəndaşı həlak olacaq. Və bu ABŞ üçün qəbuledilməz olacaq”, - o deyib.

Diplomat əlavə edib ki, Cənubi Koreyanın paytaxtı Seulun 50 kilometrliyində Şimali Koreyanın operativ-taktik raketlərlə təchiz edilən raket kompleksləri və yaylım atəş sistemləri yerləşir.

Ömər Dağlı