"Report" Türkiyə KİV-inə istinadən xəbər verir ki, PKK terrorçu qruplaşmasının Suriyadakı qolu YPG tərəfindən atılan raketlərdən biri məscidin divarına dəyib.
Kilis valisi Metin Tekinarslan hadisə nəticəsində ikisi ağır olmaqla 8 nəfərin yaralandığını bildirib: "Raketlərdən biri Çalık məscidinin divarına, digəri isə evə düşüb. Yaralılardan ikisinin vəziyyəti ağırdır. Məscidə ziyan dəyib".
Türkiyə Silahlı Qüvvələri cavab olaraq terrorçuların mövqelərinə zərbələr endirib.
