Play Store

Çempionlar Liqası: "Tottenhem" "Yuventus"a məğlubiyyətdən xilas olub, "MS" "Bazel"i darmadağın edib

Çempionlar Liqası: "Tottenhem" "Yuventus"a məğlubiyyətdən xilas olub, "MS" "Bazel"i darmadağın edib
01:57 14 Fevral 2018
150 İdman
Ölkə mətbuatı
A- A+

Bakı. 14 fevral. REPORT.AZ/ Bu gün qış fasiləsindən sonra futbol üzrə Çempionlar Liqasının 1/8 final mərhələsinə start verilib.
“Report” xəbər verir ki, Turində İngiltərənin "Tottenhem Hotspur" klubunu qəbul edən "Yuventus" ilk 9 dəqiqə ərzində 2:0 irəlidə olsa da, sonradan qapısında iki top görərək heç-heçəyə razılaşıb.
Ev sahiblərinin hər iki qolunu İquain vurub. O, həm də birinci hissədə təyin olunmuş iki penaltidən birini dəqiq yerinə yetirə bilməyib. Qonaqların heyətində Harri Keyn və Eriksen fərqlənib.
Komandalar arasında cavab qarşılaşması martın 7-də Londonda keçiriləcək.
Paralel keçən qarşılaşmada digər Britaniya təmsilçisi "Mançester Siti" İsveçrədə "Bazel"in qonağı olub. Görüş ingilislərin 4:0 hesablı qələbəsi ilə başa çatıb.
Cavab qarşılaşması martın 7-də Mançester şəhərində keçiriləcək.
Çempionlar Liqası. 1/8 final. 1-ci oyun
"Yuventus" – "Tottenhem Hotspur" - 2:2
Qollar :1:0 – İquain – 2, 2:0 – İquain – 9 (pen), 2:1 – Keyn – 35, 2:2 – Eriksen – 71
"Bazel" – "Mançester Siti" - 0:4
Qollar: 0:1 – Gündoğan – 14, 0:2 – Silva – 18, 0:3 – Aquero – 23, 0:4 – Gündoğan – 53

Xəbərin orijinal ünvanı: https://report.az/futbol/cempionlar-liqasi-tottenhem-yuventus-a-meglubiyyetden-xilas-olub-ms-bazel-i-darmadagin-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR